Тағзым • Кеше

Ғасыр жасаған ардагер

Соғыс ардагері Тамара Алексан­дров­на Максимова 100 жасын тамаша көңіл күймен қарсы алды. Мерейтой күні оның үйіне Алматы өңірлік гарнизоны Десанттық-шабуылдау әс­кер­лері 61993 және 16194 әскери бөлімдерінің, Медеу ауда­нының қорғаныс істері жө­нін­дегі басқармасының әскери қыз­­мет­шілері, «Ұлы Отан соғысы ар­да­гер­лері, тыл еңбеккерлері мен соғыс балалары кеңесі» ҚҚ өкілдері ар­найы келді.

Тағзым • 16 Мамыр, 2024

Даңқты батырдың дара жолы

Л.Н.Гумилев атындағы Еура­зия ұлттық универ­сите­тінде тәуелсіз еліміз­дің тұңғыш Қор­ғаныс министрі, Халық қаһар­маны С.Нұрмағам­бетов­тің туғанына 100 жыл толуына орай «Сағадат Нұрмағамбетов: тумысы бөлек тұлға» тақы­ры­бында ғылыми-тәжіри­белік конференция өтті.

Тағзым • 15 Мамыр, 2024

Балалар әлемінің бағбаны

Биыл балалар әдебиетінің алып бәйтерегі Бердібек Соқпақбаевтың туғанына 100 жыл. Қазақ әдебиетіне өзгеше өрнек, ғажайып сыр-сипат алып келген көрнекті жазушының мерейтойы биыл ЮНЕСКО көлемінде тойлануда. Мерекелік іс-шаралар легі басталып, еліміздің барлық рухани шаңырағында өтіп жатыр.

Тағзым • 14 Мамыр, 2024

Балмағамбет мұрасы қашан бағаланады?

Қаныш Сәтбаевтың 125 жылдығын да атап өттік. Соның аясында бірнеше академиялық жинақтар мен энциклопедиялар жарық көрді. Ғылыми-тәжірибелік конференциялар ұйымдастырылып, академик туралы фильм де көрерменге жол тартты. Сондай іс-шаралардың айшықты оқиғасы Мәшһүр-Жүсіп Көпейұлының Қаныш Сәтбаевқа берген батасы еді. Оны арнайы белгі-тасқа қашап, салтанатты ашылуын жасадық. «...Осы күнгі жастарда Қаныш Сәтбаев адамның жорғасы. Тірі болса бақты, талайлы болатұғын жігіт. Өлі Мұсаға Құдай рахмет қылсын, тірі Қаныштың өміріне құдай береке берсін!» дейді жарықтық. Рас-ау, бата дарымаса азамат ерге бақ қайда? Бірақ академик ғалымға бата берген әулие – жалғыз Мәшекең емес. Заманында күллі Ұлытау жұрты іліміне бас қойып, қол тапсырған, Қаныштың өзі рухани ұстаз тұтып, батихасына бет сипаған Балмағамбет Балқыбайұлын неге ескермей жүрміз?

Тағзым • 14 Мамыр, 2024

Жеңіс күніне жеткен жеті ардагер

«Бірі мініп келместің кемесіне, бірі күтіп әнеки жағада тұр», деп ақиық ақын Мұқағали жыр­лағандай, Екінші дүниежү­зілік соғысқа қатысқан майдангерлер қатары селдіреп қалды. Отан үшін от кешіп, оққа ұшқан ержүрек бабалардың ерлік істері мәңгі ұмытылмайды. Ал арамыздағы ардагерлерді ардақтау – айнымас парыз.

Тағзым • 13 Мамыр, 2024

Ақселеу асқары

Ұлытау облысы Жаңаарқа ауданының орталығында жазушы, этнограф Ақселеу Сейдімбектің ескерткіші орнатылды. Тұлғаны тұғырына қондыру жобасы халықтың ниетімен және мүдделі азаматтардың қолдауымен жүзеге асты. Іс-шараның ашылу салтанатына елімізге белгілі зиялы қауым өкілдері, ғалымдар мен ақын-жазушылар қатысты.

Тағзым • 11 Мамыр, 2024

«Аты оның еді Абдолла...»

«Жас ақын Абдолла Жұмағалиев батырлық туралы жазуды сүюші еді. Оның геройлары тамаша ерліктер жасауға ұмтылатын. Соғыс ақынның өзін де шығармаларындағы геройлары сияқты батыр, табанды солдат етіп шығарды». «Социалистік Қазақстан» газетінің 1943 жылғы 13 қаңтар нөміріндегі осылай басталатын шағын мақала ақынның майдандағы ерлігін еліне әйгілеген еді. Жерлестеріне, қаламдас жолдастарына ғана емес, ержүректік оқиға бұдан екі күн бұрын «Правда» газеті арқылы бүкіл одаққа мәлім болған-ды.

Тағзым • 11 Мамыр, 2024

Курскіде қан кешкен

Майдангерлердің 9 мамырға арнал­ған шеру сапындағыларға күн салып қарап отыратыны кеше ғана сияқты еді. Сәлден кейін қаз-қа­тар тізіліп барып, соғыстан қайт­пай қалған қаруластарының есі­мі қашалған тасты аялай сипап, жанарлары жасаурап тұра­тын. Бүгінде Сыр өңірінде соғыс соқпағын басып өткен осы қарт май­дангерлердің төртеуі ғана қа­лыпты. Солардың бірі – Әбдірахман Бәйтіков.

Тағзым • 10 Мамыр, 2024

Менің әкем...

Сұрапыл соғыс талай әулеттің тірегіне айналған азамат­тардың өмірін қиды ғой. Майдан даласынан жеткен қара қағаздан жаны сыздаған отбасылардың саны қаншама... Аталарымыз бен әкелеріміз Отан үшін отқа түсіп, майдан шебінде жанкештілікке толы ерлік үлгісін көрсетті.